【港怡醫院檢查資助計劃 🏥】幫助TSC患者把握治療時機⌚️ ，一齊結伴賞月

今年我哋得到港怡醫院嘅支持，開始咗「港怡醫院檢查資助計劃」，為合資格嘅TSC患者做CT/ MRI檢查🩺 ～所以，我哋希望今年月餅義賣所籌得嘅款項，喺扣除成本之後可以幫到更多患者，亦都令到大家對呢個計劃有更多嘅認識～🥹

由於TSC患者會喺重要器官長出大量腫瘤，所以好需要恆常咁做器官檢查監測病情 🧍，但係公營系統嘅資源始終有限，患者往往需要等 3 至 5 年先至可以進行CT同MRI掃描，咁樣好可能會加劇病情，對健康造成嚴重影響 😭；而私營醫院雖然輪候時間短啲，但高昂嘅費用令好多家庭都難以負擔 💰

而「港怡醫院檢查資助計劃」就透過公私合作嘅方式 🤝，為符合條件嘅 TSC 患者提供全額或部分資助 💵，令佢哋可以喺港怡醫院以合理價格做CT同MRI掃描，及早監測病情 👀🔍，得到適時治療，除咗減輕公營醫院嘅壓力，仲節省延遲治療所衍生嘅醫療成本 🏥。

所以快啲訂購慈善月餅禮盒（https://bit.ly/45UknW8）支持我哋，我哋就可以令更多TSC患者都得到適時嘅檢查，幫助佢哋把握治療嘅時機，而家只要買滿6盒，仲會有8折優惠添呀（即每盒$290） ，仲有兩個M4Me Tote Bag送比大家～

#慈善義賣 #TSCAHK #中秋月餅 #中秋節 #midautumnfestival #月餅 #mooncake